Trekëndëshi i Bermudës

Trekëndëshi i Bermudës (i njohur edhe si Trekëndëshi i Djallit ose Trekëndëshi i mallkuar) është një zonë në oqeanin Atlantik, afërsisht 1.2 milion kilometra katrore që përbëhet nga Bermuda, Puerto Riko dhe Fort Loderdejl, të Floridës. Trekëndëshi i Bermudës është bërë i njohur nga rrëfimet e medias, për dukuritë e jashtëzakonshme që ndodhin këtu, të cilat thyejnë dhe tjetërsojnë ligjet e fizikës të njohura deri tani. Në këtë zonë ka pasur shumë ngjarje misterioze të vërtetuara që nga viti 1800 ku anije, aeroplanë ose ekipazhi i tyre janë zhdukur në një mënyrë të "pashpjegueshme" pa lënë asnjë gjurmë pas. Deri më sot ka ende disa ndodhi që nuk janë sqaruar përfundimisht, të cilat kanë krijuar pjesërisht prova shpjeguese shumë të çuditshme, por shkencërisht krejtësisht të shpjegueshme. Këto ngjarje kanë qenë bazë për një numër të shumtë veprash letrare, filmash dhe faqesh internetore.
Lista e zhdukjeve

Lista e rasteve është e gjatë. Disa ndër këto raste janë dhe këto më poshtë.
Futurim 19

Rasti Fluturimi 19 (ang.:Flight 19) është më i dokumentuari dhe më i përmenduri në historikun e trekëndëshit. Në këtë rastë thuhet se janë zhdukur gjashtë aeroplan amerikanë pesë prej të cilëve ishin aeroplanë bombardues dhe një vëzhgues.

[redaktoni] Makina fluturuese e pasagjerëve Douglas DC-3

Zhdukja e DC-3-shi ka ndodhur më 28 dhjetor 1948. Kjo makinë fluturonte nga Puerto Rico në Miami dhe transportonte 36 persona. Thuhet se lajmi i fundit që vinte nga piloti i makinës Bob Linquist ishte :Gjendemi 50 majle në jug të Majamit, dritat e qytetit po shihen. Pak kohë pas këti lajmërimi makina është zhdukur.

Marine Sulphur Queen

Më 1963 është zhdukur së bashku me ekipin prej 39 anëtarëve anije-bartësja Marine Sulphur Queen. Në bazë të gjësendeve të gjetura nga gjurmimet dhe lajmërimit të fundit të pranuar duket se fatkeqësia/zhdukja e kësaj makine ka ndodhur diku jashtë trekëndëshit të famshëm. Anije-bartësja e moçme, 20 vjeçare ishte ngarkuar në një port të Teksasit (Beaumont) më 2 shkurt 1963 ndërsa lajmi i fundit nga anija është dëgjuar më 4 shkurtë diku rreth orës 1:30. Në ditë pasi që anija nuk kishte mbërri me kohë në portin e Virgjinisë (Norfolk) është ndërmarrë një aksion i madh gjashtë ditësh për gjetjen e anijes. Gjatë këtij aksioni janë kontrolluar më se 350.000 katrorë majle detare. Sigurimi bregdetarë amerikan thoshte se brenda kësaj hapësire, po të kishte qenë anija mbi sipërfaqen e detit shanset për të gjetur kanë qenë 95%.

Gjatë gjurmimeve janë gjetur pjesë të vogla si goma dhe xhaketa për shpëtim të makinës. Po ka edhe mendimi që lënda që barte anija (15.000 tonelata sulfur të lëngët) të ketë shpërthyer dhe të ketë fundosur anijen, mirëpo edhe më këtë nuk mund të shpjegohet rasti.